الناس الى ناويه تيجى الامارات … شويه نصايح عشان ميضحكش عليكم 

الناس الى ناويه تيجى الامارات … شويه نصايح عشان ميضحكش عليكم 

اضغط هنا

الناس الى ناويه تيجى الامارات … شويه نصايح عشان ميضحكش عليكم
الدرهم اليوم (4.7 ) جنيه
الفيزا شهر سياحه كبيرها 1850 جنيه للمؤهل
بدون مؤهل عالى هتبقى بين 2400 ل 3000 جنيه للشهر
و ساعتها بلاش تيجى احسن
الفيزا تلت شهور سعرها من 4800 ل 5300 جنيه اكتر من كده
يبقى بتتقلب فى فلوس
( للمؤهلات العليا )

الطيران : ارخص طيران العربيه للطيران و ارخص مطار الشارقه
من اول 4700 و لحد 5500 ( رايح جاى ) اكتر من كدا يبقى الطيران غالى

السكن ( فى تلت مدن رئيسيه للسكن ( عجمان) و دى ارخص واحده بس بعيده و بعدها ( الشارقه و دى برضو مواصلتها مكلفه) و فى دبى و دى تعتبر اغلاهم بس هتوفر شويه فى وقت و وفلوس الانتقالات

اسعار السكن بتبقى سرير من اول 550 درهم و مفتوح فى ناس كانت بتدفع 2000 درهم فى غرفه مشتركه المهم تاخد حاجه جنب محطه مترو او باص و المتوسط بتاع الايجار فى البلد عموما للسرير من 750 درهم ل 1000 درهم .. شامل ميه و كهربا و نت

البلد كلها بتتكلم انجليزى فانت لو مش بتعرف تتكلم انجليزى متجيش الامارات
السواقين و عمال النظافه و بتوع التذاكر و المحلات و التاكسى كلهم بيتكلمو انجليى و نادر لما تلاقى حد بيتكلم عربى

( اوعى تركب تاكسى غالى جدا )

فى اقامات سنتين اسعارها فى حدود 12 الف درهم و هى مبلغ كتير و مش مجديه قوى احسنلك شوف وظيفه تعمل اقامتك عليها

المواصلات عجمان معرفلهاش نظام مواصلات الصراحه … الشارقه فى بطاقه ساير بتركبك اوتوبيسات بتلف بعض المناطق ب 4 و نص درهم الاتجاه الواحد

دبى فى كارت بتشتريه و تشحنه رصيد و تركب بيه كل المواصلات
اوتوبيس او مركب او مترو و التذكره من 3و نص درهم ل 7 درهم على حسب اتجاهك ..
الاوتوبيسات مبتقفش غير فى المحطات و مينفعش تكلم السواق ولا تاكل جواها
مينفعش تعدى الشوارع برا الاشارات
( الغرامات بتبداء من 200 درهم ل 2000 درهم )

الشغل
اماكن تشوف الشغل فيها قبل ما تروح

اماكن تشوف الشغل فيها قبل ما تروح

لما تشتغل عشان تاخد اقامه هيتعملك كشف طبى بيرفضو فيه ناس كتير فاحسنلك اققرا عنه قبل ما تصرف فلوس كتير

لما تشتغل عشان تاخد اقامه هيتعملك كشف طبى بيرفضو فيه ناس كتير فاحسنلك اققرا عنه قبل ما تصرف فلوس كتير

دى معلومات عن عقد العمل عشان محدش ينصب عليك هناك الدوله بتحميك

معلومات عن عقد العمل الامارات عشان محدش ينصب عليك هناك الدوله بتحميك

بيانات حول اقامه العمل فى الامارات مهمه

بيانات حول اقامه العمل فى الامارات مهمه

لازم تبقى عارف من هنا الشركات الى هتروح تقدم فيها عشان هناك مينفعش تقول هنزل الف و ادور الدنيا غاليه و اللف مكلف جدا
اشهر شركات
( النابوده – الفطيم – الحكير – دو – اتصالات الامارات – و منطقه محطه مترو مدينه الانترنت هتلاقى فيها شركات عالميه كتير – هتلاقى اماكن توظيف فى منطقه اسمها سوق نايف و ديره دبى كتير برضو )

حمل ابليكيشن RTA من على جوجل ستور او ابل ستور … دا هيئه المواصلات هناك بيعرفك سير خطوط المواصلات و مواعيدها من غيره مش هتعرف تتحرك

المواصلات بتقفل من 12 و بعدها ملكش غير التاكسى الى بياكل الفلوس اكل

الانترفيوهات هناك هتبقى مع ناس مبتعرفش عربى اصلا و هيبقى قاعد جنبك
هنود و باكستانيين و اسيويين و روس و كل الجنسيات العربيه
فحتت انك بتقول كلمتين انجليزى و بتعرف تفتح الايميل من الكمبيوتر دى متنفعش هناك
لازم تبقى رايح مؤهل فعلا و مميز فى حاجه

الراتب البدائى ( 3000 درهم ل 3500) اققل من كده هتعيش بصعوبه
متوسط راتب المصريين هناك من 3500 ل 10000 درهم
( مش بتكلم على فئه المهندسين و الدكاتره و المدراء طبعا دول بياخدوا كتير )

– الى هتعمله فى شهر هناك… الى فى مصر بيعملوه فى سنه –

بالتوفيق

اضف رد

لن يتم نشر البريد الإلكتروني . الحقول المطلوبة مشار لها بـ *

*