ما لا تعرفة عن نظام التشغيل اندرويد

android

الاندرويد ده بكل بساطه نظام تشغيل للموبايلات الى بتشتغل باللمس .. بدأ بفكره صغيره خالص من شركه بسيطه ومش معروفه فى الوقت الى كانت فيه Nokia محتكره السوق بنظام التشغيل فى الموبايلات الى منزلاها — الفكره دى اشتريتها شركه Google وطورتها لغايه مابقيت نظام تشغيل كامل بيعتمد على نظام الLinux – والفكره كبرت ودخلت فيه مجموعه من الشركات الكبيره زى HTC, Intel, LG, Motorla, Nvidia, Samsung, Sony Ericsson, Toshiba, Vodafone, T-Mobile, وغيرهم – وبقى النظام الاول على العالم فى الهواتف الذكيه.

تطبيقات اندرويد :

اهم تطبيق فيهم او المصدر الى بنقدر نجيب منه التطبيقات التانيه

متجر شركه جوجل Google Play Store

google_play_store_logo

ده اهم تطبيق موجود فى نظام الاندرويد لانه من خلاله تقدر تعمل بحث عن التطبيقات الى عاوزها وبتستعملها دايما على موبايلك زى الفيس بوك والواتس اب وغيرهم — والتطبيقات دى فى منها الى بيكون مجانى وفى الى بيكون مدفوع ودى بترجع للشركه المنتجه للتطبيق نفسه

احنا كده خلصنا الحاجات السهله الموجوده ف اى موبايل

ندخل بقى على التعريفات الصعبه الى بتقابلنا.. زى الروم و الرووت و الكيرنل و الLuncher

ناخدهم بالترتيب

يعنى ايه الروم Rom … !

android

الروم ده عباره عن نظام التشغيل لموبايل او الsoftware .. زى الويندوز بالنسبه للكمبيوتر كده .. واحيانا ناس بتقول (روم مطبوخه ) يعنى روم متعدل فيها بيانات

يعنى ايه الرووت Root … !

Root

الرووت ده عمليه بتقوم بيها على موبايلك بتديلك صلاحيات كامله للتحكم فى جهازك .. من خلاله تقدر تغير فى الملفات الاساسيه بتاع السيستم او تضيف ليها او تمسح منها .. مع العلم ان الروت بيلغى ضمان جهازك..يعنى لو الموبايل فى الضمان هيخرج منه – الا فى حاله انك لغيت الرووت ورجعت الموبايل لوضعه الاصلى

طيب ايه الفايده من الرووت … !

1- ممكن تنزل لغات جديده للموبايل-يعنى مثلا تنزله العربى لو جاي مش متعرب

2- عمل نسخه احتياطيه للجهاز بالتطبيقات الى فيه – بحيث لو حبيت تعمل Recovery يرجع الموبايل لنفس الحاله الى معاك دلوقتى

3- بيديلك صلاحيات تغير الروم بتاع جهازك بأى روم مطبوخ تانى

4- بيديلك صلاحيات تمسح برامج اساسيه فى نظام التشغيل بتاعك لو مش بتستخدمها

5- التحكم فى حجم الخط و تغيير الشكل الخاص بيه

يعنى ايه كيرنل Kernel … !

Linux-Inside-Android

الكيرنل ده جزء اساسي داخل نظام التشغيل Software بتربطة بالمكونات الداخليه للجهاز Hardware .. يعنى بتقدر تستقبل البيانات الى على الموبايل من البرامج وتوصلها للبروسيسور و العكس

يعنى ايه Launcher … !

android

اللانشر Luncher هو الواجه بتاع جهازك زى الtheme كده بالنسبه للكمبيوتر .. وده بيبقى موجود على متجر جوجل بأشكال مختلفه تقدر تثبتها فى الموبايل على هيئه تطبيقات

Share Button

=======================

تنويه هام جدا " موقع يهمك دوت كوم ليس شركة توظيف والموقع ناشر الوظائف فقط 
والموقع غير مسئول تماماً عن اى تعامل مادى مابين الباحث عن العمل وصاحب الوظيفة 
فى حالة تقديم شكاوى او ابلاغ عن الوظيفة يمكنكم الضغط على الشكاوى وشكرا للتفاهم 

عن mana ahmed

اضف رد

لن يتم نشر البريد الإلكتروني . الحقول المطلوبة مشار لها بـ *

*